80

80 
فقلت له وأنا أظن انني حصلت له علي إجابة شافية لأمي : عظيم جدا .
قال لي : يعني .... هي المسألة مش بالبساطة دي ..... لأن مثلا كان في عشر سنين تانيين الذهب نزل فيهم 
ففي سنة ١٩٩٠ كان سعر الاقفال ٣٨٦.٢
و سنة ٢٠٠٠ كان سعر الاقفال ٢٧٢.٦٥
اي بسعر فائدة مركبة سنويا سالب ٣.٤ ٪ تقريبا. 
وسألته : إمال الناس بتستثمر فلوسها فيه ليه ؟
: الذهب علي المدي البعيد بيزيد يعني أوقية الذهب من ١٠٠ سنة كانت بحوالي ٢٠ جنيه تقريبا ودلوقتي ١٤٠٠ جنيه . 
: طيب .... يبقي حلو . 
: لكن لو إشتريته وهو غالي .... زي ماهو غالي دلوقتى وبعدين سعره نزل .... وأضطريت تبيع .... يبقي لازم تخسر .
: يعني بلاش نستثمر فيه ؟ 
: إنا مقدرش أسمي شراء الذهب لإعادة بيعة إستثمار ... لو بعته في المدي القصير إذا سعره إرتفع يبقي مضاربة ..... ولو إحتفظت بيه علي مدار سنوات طويله .... علي أساس أن سعره في النهاية لن ينخفض .... يبقي ممكن نسميه إكتناز . 
ياعيني علي الحيرة .... كان نفسي في كلمتين ظراف خفاف أرجع بيهم لأمي وأريح دماغي . 
: يا أنكل ماهر ..... حضرتك عارف ماما . 
: عارفها ... إنت هاتقوللي .
: طيب .... أنا عايز أرجع لها بكلمتين فيهم الشفا. 
: الشافي هو الله .... 
ضحكنا
: قول لها .... علشان الواحد يستثمر في حاجة وتكسب باستمرار لازم تكون مفيدة للناس ...هاتكسب طول ماهى بتساعدهم علي تحقيق هدف أوإشباع رغبة إو حل مشكلة