95
قبل أن أصل إلي باب الفيللا شاهدت توك توك يقف أمام الباب ومحمد أخي ينزل منه .. وضحكت لأن المنظر كان مفاجأة وألتفت إلى محمد وأبتسم إبتسامة خفيفة ولكن وجهه لم يكن رائقا وقال : في إيه ؟
وفتح لنا عم توفيق الباب المزدوج علي مصراعيه .. رغم عدم الحاجة لذلك ولكن لزوم الترحيب .. وألقينا عليه السلام ورده
بود.
ولم أعلق على استخدام التوك توك على مسمع من عم توفيق ... فأكيد هو يستخدمه ... شأنه فى ذلك شأن عموم الناس فى المنطقة ... وربما يتضايق من تعليقى .
ووبمجرد دخولنا ... سمعت صوت الباب وعم توفيق يغلقه .
قلت أنا : ماتخيلتش إنك بتركب توك توك .
قال : أصل عم يونس مارجعش لحد دلوقتي.
: بس ماعداش ساعة من ساعة ماراح يوصل الولاد دول .
قال بلهجة تحمل حيرة : المشوار لحد طنطا مايخدش ١٠ دقايق.
: يمكن راح أي مشوار يخصه .
: لو راح كان قال وكمان مابيردش علي الموبايل.
: يمكن الولاد إتراذلوا عليه وقالو له وصلنا جوة طنطا.
: برضه كان رد ع الموبايل .
: يعني بيدي جرس ؟
: لأ... مقفول
قلت وأنا أحاول أن أطمئنه : يمكن يكون الشحن خلص.
: يمكن .
ليست هناك تعليقات:
إرسال تعليق