74
وخرج شباب الجلابيب البيضاء أو الجماعة الأصولية كما يطلقون علي أنفسهم من المسجد دون أن يسلموا علي الحضور ..... إلا شابيين من شباب القرية كانوا معهم وألقيا السلام قبل أن يخرجا .
وهنا إنبري عدد من المصلين يلومون الشيخ حسن بلطف
: ونسمح لهم ليه يقولوا الهجص ده
: وهو معقول يقول درس وفضيلتك موجود ؟
: دول شكلهم مش عارفين حاجة في أي حاجة
وهنا أوضح الشيخ حسن رأيه : ياجماعة .... دول معاهم شابين من شباب القرية .... و كان لازم نديلهم فرص علشان الشابين دول يعرفوا إن العيال جهلاء
الأستاذ عبد المعطي : العيال دول باين عليهم ميح
قال الحاج زعفراني : دايما الجماعات دى بيختاروا الشباب اللي ...ياإما بلطجي أوصايع وتاب علي إيديهم .... وطبعا هم بيبرمجوه زى ماهم عايزين .... لأنه مايعرفش أي حاجة في الدين ...
وأكمل الأستاذ عبد المعطي : ويشعر بالدونية بالنسبة إليهم ......
وأضاف أحد الشباب : أو بيختاروا الشباب اللي محدود في قدراته .... علشان يغسلوا دماغه زي ماهم عايزين .
الشيخ حسن : عموما ياجماعة .... إحنا برضه نعاملهم بالحسني .... حتي علشان ولادنا اللي معاهم ....
غادرت أنا وتي المسجد في طريقنا إلي المنزل .
ليست هناك تعليقات:
إرسال تعليق