75
دخلنا الفيللا ووجدت مريم لاتزال جالسة مع أمي وكان الحديث بين الفرنسية والعربية .... وفي قمة الإنشراح ....
وذهب تي إلي غرفته .... بينما جلست أنا معهما وقالت مريم وهي تشيع تي بنظرها : لكن ماشاء الله تي متربي كويس أوي ... يعني مش بطريقة عبادة الأطفال .
أمي : إيه عبادة الأطفال ؟
مريم : يعني بتلاحظيها .... لما ناس يزوروكوا ومعاهم طفل .... ويتشاقي
ويتشعبط في النجفة و ينط يضرب التليفزيون برجلة .....
ضحكنا جميعا
وأستطردت مريم : وبدل ما مامته أو باباه يقول له عيب .... يقولوا لك إنت ..... ده دمه خفيف أوى ..... ده كل الناس بتحبه .
أمي : آه فعلا الظاهرة دي موجوده ..... بس يمكن في المدن أكتر من الريف ..... قلت أنا : والطفل ده بتبقي كل طلباته مجابة .
مريم : بالظبط
أمي : وفي النهاية بيطلع قليل المروءة .... الطفل بعد كل الدلع ده بيتعود يا أخد ومايديش ..... ومايقفش حتي جنب أهله في الكبر .
وهنا دخل تي وقال لي : أنكل شريف .
ليست هناك تعليقات:
إرسال تعليق