76
قلت أنا : أيوه يا تي .
: ماكرو كلمني وبيسأل إنت عايز تبقي فين وأنت بتشغل الطيارة .
: في أي حته
تي : حضرتك ممكن تشغلها من أي حتة .... لكن علشان نبرمجها تلف لوحدها حوالين الفيللا لازم يكون متحدد مكان الإرسال والإستقبال .
: فهمت ..... خليها من أوضتي ..... يعني تطلع من الأوضة وترجع تاني للأوضة .
تي : طيب خليها من مكان اوسع شوية ... من البلكونة مثلا .
: أوك .
نظرت مريم إلي تي بإعجاب : ماشاء الله .
قلت أنا لتي : أنا متفاءل جدا بالجيل بتاعكوا
أمي : كده بقي مش هانعرف نكلمه تاني .
مريم : بس والله هو مؤدب وجميل .
تي : أيوه كده ... الله يخليكي ياطنط
قلت أنا : لا بجد...... أنا حاسس إن الجيل ده فيه ميزة حلوة مش موجوده في الأجيال اللي قبله ..... العمل الجماعي ..... يعني لما كان حد يشتغل معايا في أي بحث ..... كان ياإما يشوف أنا باعمل إيه ويقلده .... يا إما عايز يسرق البحث وينسبه لنفسه .
مريم : glory stealer
أنا : بالضبط كده .
ردت أمي : بس أنا شايفه ... إنت ومريم ممكن تعملوا أبحاثكوا مع بعض ....
أنا : ياريت .... بس هي راجعة إيران ..... صح يامريم ؟
مريم في تردد : آه
الحمد لله إنها متردده .... وليست مصممة على العودة إلي إيران .
أمي : أنا عندي إحساس إنك إنشا الله هاتفضلي معانا ... قصدي في مصر .
تي : علي فكرة ياطنط .... ناناه كلمتها ماتنزلش الأرض أبدا .
ليست هناك تعليقات:
إرسال تعليق