30
بعد أن عبرنا الكوبري إلي الجانب الآخر من النيل بدقائق ... قال لي مترو : أستأذن سيادتك إجيب حاجة من الحلواني ..... إنشا الله ... ها أديها لواحد صاحبي وأنا راجع .
: طيب .
كنا علي النيل في شبرا ... نزل مترو ... ودخل محل حلواني ... شعبي فيمايبدو ..
سألتني مريم : هي مامتك بتحب إيه بقي ؟
نظرت إليها في دهشة ....وقبل أن أجيبها قالت : يعني .... أصل إنا عارفة إن إستضافتها لي في البيت ، وأنا ماليش صفة .....
حزنت أنا للجملة الأخيرة وقاطعتها: لا.... لا.... لا .... مالكيش صفة إزاي ....هو إنتي أي حد ..... ده إنتي تشرفي أي حد ...
إبتسمت هي وقالت : أقصد إني ست وجاية معاك ... وكده يعني ....
: لا ... ما أحنا قلنا بقي .... موضوع البحث .... آه ياريت تفكريني بالموضوع ده هناك عشان نبقي نفتح المعمل ونهنكر شوية
: ههههههه ... حاضر ... لكن قولي بقي ... إزاي أرضيها ؟
: هههههه ..... مش هاتعرفي .
: صعب للدرجة دي .
: لأ .... بس هي بتحب حد يتكلم معاها فرنساوي .... لإنها خريجة مدرسة نوترودام ..... وبتعشق الثقافة الفرنسية ..... وبيتهئ لي ... إن تعليمك كان ألماني وإنجليزي .
: فعلا .... أنا معرفش فرنساوي .. خالص ... صعب جدا .
وضحكت هى ... وضحكت أنا معها ... لمجاملتها.
وسألت هي : مافيش حاجة أسهل من كده ؟
ليست هناك تعليقات:
إرسال تعليق