31
31
قلت : آه في ..... طبعا
وسكت أنا لأستزيد من شغفها .
وبالفعل سألت هي بلهفة : إيه ؟
: أصبري علي
ولمحت أنا مترو قادما وهو يحمل في يده كيسا بلاستيكيا ... تبدو بداخله علبه .... وفتح شنطة السيارة الخلفية
وقلت أنا : هي بتحب ....
وقبل أن أكمل قال مترو : سلامو عليكو
فرددنا عليه السلام
قالت لتستعجلني : ها...
فقلت وأنا أخفض صوتي عن ذي قبل : هي بتحب تسمع موتسارت Mozart وممكن تنبسط لما حد يناقش معاها الموسيقي بتاعاته...
: ياخبر إسود .... هو إنتوا ماعندكوش حاجة سهلة
ضحكنا معا
بعد دقائق ...
إستأذنني مترو لدخول محطة بنزين ...
دخلنا المحطة .... ونزل مترو من السيارة .... وما أن نزل حتي إنقلبت المحطة ..... الجميع يصيحون .... مترو .... مترو ....
وعلي نغمة مترو ... مترو ... بدأ مترو يؤدي حركات إستعراضية ..... تشبه الرقص ... ملوحا بذراعيه ومحركا لهما لأعلي وأسفل وللأمام وللخلف بطريقة إيقاعية ....يدور حول نفسه نصف دورة لليمين ... ثم نصف دورة لليسار وهو يهز كتفيه .... ويدب بقدميه ....
ووضع عامل شاب المحطة الخرطوم في خزان الوقود ...فتوقف مترو عن الرقص ووجه الكلام للعامل : انت هاتخد الفلوس إربع جنيهات ( يقصد من فئة خمسة وعشرين قرشا )
فقال له العامل : إربع ! ... إنسي ... مش هاخدهم منك
وجاء رجل أكبر سنا فقال له مترو : الواد العبيط ده ... بقول له هاديك الحساب إربع .... تصدق ... بيقول لي مش هاخدهم منك ...
إلتفت الرجل الأكبر سنا وقال للعامل الشاب : إنت غلطان ... إنت كنت إستنيت لحد ماإداهم لك .... ورميتهم له في وشه
فقال له مترو : بس .... يا ....
وقال كلمة خارجة
والعجيب أنهم ضحكوا جميعا
ليست هناك تعليقات:
إرسال تعليق