33
وإستطرد مترو : بس ... السيما زمان كانت سيما
قلت أنا لمجاراته : ياسلام ...
: أمال ياباشا ... هي السيما دلوقتي سيما .... ده في واحدة مسلوعة طالعين بيها السما ...
بسرعة سألته مريم : مين ؟
قال : اسمها إيه .... آه .... جولينا ... حاجة كده
قالت مريم : أنجلينا جولي ؟
: أيوه .... إسم الله علي مقامك ياهانم ... أنجلينا جولي .... أنجلينا جولي
من الواضح أنه يحاول أن يحفظ إسمها
وأبتسمت مريم .... المرأة هي المرأة ... طبعا سعيدة أن هناك رجل علي وجه الأرض ... وعلي قيد الحياة ... لاتعجبه أنجلينا جولي
بينما إستطرد مترو : ده كان زمان في ناس عتاولة ...آفا جاردنر ... جينا لولو ....
طيب دا لما أورسولا أندروز خرجت علي جيمس بوند من البحر ... زي ماتكون حورية
.....أنا دخلت الفيلم ده يجي عشر مرات عشان اللقطة دي بالذات
ولمزيد من المجاراه قلت له : الفيلم كان إسمه إيه ؟
: إسمه ... إسمه
قالت مريم : دكتور نو
: إسم الله علي مقامك ياهانم ... دكتور نو .... دكتور نو
وكان عندنا في السيما بتاعتنا ناس عظيمة
.... هند رستم .... وكان يتقال عليها ... إنها بعد ما إتعملت ... كسروا القالب .
ضحكت مريم
بينما قلت أنا بصوت خافت : إستغفر الله العظيم
ليست هناك تعليقات:
إرسال تعليق