63
كان يبدو علي سيد أنه ليس ميسور الحال ..... رغم إن ملابسه نظيفة ومكوية ...
قال تي : بص يا أنكل !
وأشار بأصبعة إلي شاشة اللاب توب .... كانت الصورة للطريق أمام الفيلا من الخارج .... بينما كانت هناك مربعا في جانب الشاشة داخله مربعات عليها رموز وأسهم ..... كان سيد يضغط عليها بالماوس فتتحرك الصورة .... فظهر علي الشاشة سور الفيللا من الخارج وتحركت الصورة من موقع إلي آخر علي السور ثم عبرت السور من أعلي .... وأصبحت الآن للحديقة داخل الفيلا .... وتقترب تدريجيا من مكاننا وسمعت صوتا لموتور صغير يقترب من أعلي ....نظرت ... فوجدت طائرة هيلوكوبتر صغيرة مثل لعب الأطفال تقترب منا ثم ظهرت صورنا أنا وتي وسيد علي اللاب توب .... وتوقفت الطائرة في الهواء إمامنا ومد تي يده وأمسكها وأشار بأصبعة الي كاميرا مثبته بأسفلها وقال لي : هي دي الكاميرا
قلت أنا : بس فين الريموت ؟
قال سيد : دي بتشتغل ب Wifi وخط داتا وبتتوجه باللاب توب أو تابلت أو الموبايل
قلت أنا : ياه .... اللعب إتطورت للدرجة دي ؟
رد تي : دى
Spy cam helicopter
وأردف تي : إحنا اللي مطورينها
قلت أنا : لكن ... المهم تكون سهلة الإستخدام .
قال سيد : بص حضرت المربع اللي ع الشاشة ده .... فيه كل حاجة ....
واستطرد في الشرح .... ووجدت العملية بسيطة جدا .
شجعت سيد قائلا : برافوعليك .... دي أول مرة أشوف حاجة زي كدة في مصر
: الحقيقة دي فكرة عزالدين وكمان هواللي صنعها ....
قاطعه تي : انا جمعتها بس .... لكن سيد هو اللي عمل السوفت وير ....
ليست هناك تعليقات:
إرسال تعليق