64
وقلت وأنا أتناول الكاجو من طبق كبير علي المائدة : إنتوا فرحتوني .... ربنا يوفقكم .
وسألت أنا سيد : وأنت في سنة كام ياسيد ؟
: أنا في تالته ثانوي .
: وإنشاء الله ناوي تدخل كلية الهندسه ؟
: لا ... علوم سياسية .
رد تي : سيد عنده كذا منحة من جامعات أوربية وأمريكية ... لأنه طلع الأول في كل مسابقة عالمية للكومبيوتر ..
قلت أنا : طيب ليه مش هاتدخل هندسة ؟
: حضرتك تقصد علشان أبقي مبرمج ؟
: مثلا
: البرمجة حضرتك فيها عيب ...
نظرت إليه متعجبا بينما إستطرد هو
: السوفت وير بيتغير باستمرار .... يعني هي مهنة كويسة جدا في السن الصغير ... لكن ... لما الواحد يكبر هايلاقي نفسه مضطر يتعلم السوفت وير الجديد .... ويبدأ من الأول .... يعني زيه ..... زي المبتدئ . ... وبكده مايبقاش قدامه غير التجارة أوالإدارة ... وأنا بافضل السياسة .
قال تي : أصل سيد دودة كتب .... حريقة قراية ..... وكمان رئيس إتحاد الطلبة
أعجبتني طريقة تفكير سيد فسألته : وإنت عاوز تشتغل محلل سياسي ؟
: لا... أنا عايز أشتغل بالسياسة نفسها .
وتصورت نظرا لرقة حاله أنه لابد أن يكون إشتراكيا وسألته : آه .... يبقي انت مهتم بأيديلوجية معينة .... يعني إشتراكية ... لبرالية ..... كده يعني
: طبعا
واستطرد قائلا :أنا أيدلوجيتي هي مصر
زاد أعجابي بسيد وقلت له : ربنا يكتر من أمثالك ياسيد.
: الله يخليك.
ولم يقل ياأنكل إو ياعمي
تذكرت شيئا فقلت لسيد : احنا ممكن نبرمج الطيارة دي ... علشان تدور حول الفيللا ... يعني بالضغط علي زرار واحد ؟
ليست هناك تعليقات:
إرسال تعليق