فقلت منتهزا الفرصة : آه .... يبقي عشان تركتي الإسلام !
: هو اللي شجعني علي كده.
: إيه !
: ايوه . ... بمجرد ما تزوجت منذر .. اكتشفت انه بيشرب الخمرة .. زي ما أي حد بيشرب الميه .. لكن كان من المستحيل ان يسكر .. و ماكنش بيصللي ولا يصوم وكان يبرر هذه المسائل بانه كان بيعيش فترات طويلة في أوروبا بسبب عمله في المخابرات ... وبقي أسلوب حياته زي الاوربيين .
: وامتي قاللك انه ساب الدين ؟
: بعد ماتجوزنا بثلات سنوات تقريبا ... كنت كرهت الحياة في ايران .. المصممة خصيصا من اجل مصالح طبقة من الحكام الذين بينكدوا علي الناس عيشتهم باسم الدين.
وكنت ناوية اني اجي مصر واعيش فيها حتي لو ادي ذلك الي طلاقي من منذر .. وصرحت له بكده ... وهنا كشف لي منذر عن الحل السحري .. وهو ترك الدين مع عدم اظهار ذلك لاي حد من المعارف اوالاقارب وهذه المسالة شائعة جدا في ايران الاًًًن ولكن طبعا الجميع محجبات .والناس كلهم ملتزمين بالشكل الاسلامي في كل شئ. .. لان مسالة الشكل دى مافيهاش هزار
: ياسلام !
: طيب ازيدك من الشعر بيت ؟
: ربنا يستر!
: بعد فترة من كلامي معاه في الموضوع ده ... اعترف لي ان جميع اخواته الرجاله والستات سابوا الدين من زمان
ليست هناك تعليقات:
إرسال تعليق