رن جرس الموبايل ووجدت اسم مدحت علي الشاشة : ايوه يا مدحت. وسألني عن المحضر والإجرءات فقلت له: كله تمام ، وطلب مني أن يكلم الضابط عمرو فحكيت له ماحدث فقال لي : لاحول ولاقوة الا بالله ......انت عارف عمرو ده ابن مين ؟ فسألته فقال : ابن الحاج إبراهيم عمار . فقلت له وأنا اتعمد أن اسمع مريم : معقولة ....... عمرو !!!!!! فقال : آه كبر وبقي ضابط . فسألته أنا : إبراهيم عمار مين ؟ . فضحكت مريم ٍ .........بينما شرح لي من هو ابراهيم عمار وسألني عن الموجود أمامي فقلت له الامين سعيد. فقال لي : طيب هات أكلمه . وسألتني مريم : طلع مين الحاج إبراهيم . ؟ فقلت لها : ده يا ستي يبقي .. أخو جوز بنت ابن عم أبو مدحت فضحكت حتي كادت أن تقع واضطرت أن ترفع يدها لتسند بها علي كتفي فانا أطول منها قليلا لانها قصيرة الي حد ما بينما أن متوسط الطول . انهي الأمين سعيد مكالمته مع مدحت ثم قال لي : تحب نوصل سيادتك لحد فين فقلت له : هو أولا إيه تفسيرك للحادثة ؟
: شوف يا دكتور إحنا يوميا بتورد علينا كذا حادثه من دي ، غالبابيكونوا شلة شباب وشاربين حاجة ، وسكت ..ونظر الي مريم وقال وهم طبعا بيغلسوا عليك خصوصا لاموءخذة لما شافو الهانم معاك ، لكن الظاهر ان الموضوع خرج من ايديهم وكبر زيادة عن اللزوم ، بس إحنا هانعمل تحرياتنا وأكيد هانوصل لهم ، ولمحت وجه مريم .. فوجدتها في غاية القلق بينما استطرد الأمين : ودلوقتي بقي تحب نوصل سيادتك لحد فين . فقلت له : طيب إحنا عايزين حقيبتين من شنطة العربية . : الشنطتين في السيارة اللي هاتوصل سيادتك . : ممكن نأخذ تاكسي .... إحنا مشوارنا بعيد .... إحنا رايحين ميدان المساحة . ولكن الأمين أصر ، ولمحت موافقة علي وجه مريم فوافقت بدوري . وخرجنا من القسم وركبنا السيارة وكان بها جنديا مسلحا بجوار السائق ، وجلست أنا ومريم في المقعد الخلفي .
ليست هناك تعليقات:
إرسال تعليق