104
قال مدحت أنا عايز أشرب قهوة .
قلت أنا لمريم : تشربي قهوة .؟
قالت هى : إنت تشرب قهوة ؟
قلت : ايه ... هاتعمليها ؟
قالت : آه .
كدت أن أقول لها : لاداعى ... ننده لنعيمة .
إلا إن مدحت سبقنى وقال : لا ... أى حد يعملها ... أنا عايز أتكلم معاكى .. وأخرج من جيب قميصه صورة لمريم أبيض وإسود علي ورقة تصوير ...من الواضح أنها مطبوعة بطابعة كومبيوتر .
نظرت أنا ومريم بدهشة إلي الصورة بينما مدحت ينظر إلينا وكأنه يقرأ إنطباعاتنا .
فقلت له وقد إستفزتني طريقته : دي صورة مريم ... جبتها ازاي وانت ماشفتهاش قبل كده ؟
رد مدحت : أنا ماكنتش عارف إنها الدكتورة مريم ألا لماشفتها .
زادت حيرتي وسألته : أمال جبت الصورة منين .
مدحت : دى نسخة من الصورة اللي كانت في جيب شهاب .
إمتقع وجه مريم ومن المؤكد أن وجهي أنا أيضا قد إمتقع .
ودخلت نعيمة الشغالة بصينية القهوة .
ليست هناك تعليقات:
إرسال تعليق