124
تساءل محمد : لكن ده سبب كاف للقتل ؟
ولحقته أنا بالسؤال الأهم من وجهة نظري وان كان فى نفس السياق : إنت سألته علي صورة مريم ؟
تردد مدحت قليلا : هو بيقول أن صاحبة الصورة دى جاية مصر علشان تنشر الكفر وانتوا مستضيفنها عندكوا علشان تسهلوا مهمتها .
محمد : يعني هم شايفينا الحمد لله بنصلي .. ومريم محجبة ... يبقي أزاي الكلام ده ؟
مدحت : طبعا كلامه هجص كله .... وللأسف أقنع بيه العيليين الغلابة اللي كانوا معاه .
محمد : ما هو كمان اقنع نفسه بيه .
مدحت : ههههه ... أعتقد انه اقتنع أكتر بالعشرين ألف دولار اللي لقوهم في بيته .
سألت أنا : وعرفتوا مين اللي اداله الصورة ؟
: آه ...هو بيقول ان اللي ادهاله واحد اسمه أبو العبد ... من بلد اسمها طامية في الفيوم ... وفي تحريات بتتعمل عنه دلوقتي ... لكن مش من السهل يلاقوه ....
محمد : ليه ؟
مدحت : لأنه الطبيعي أنه يختفي خصوصا بعد ما اتقبض علي الولاد .
محمد : يعني أبو العبد ده هو اللي كان
باعت العيال اللي مسميين نفسهم الجماعة الأصولية دى البلد ؟.
مدحت : لا... الجماعة الأصولية دى جماعة متشددة وموجودة فعلا .. وبيعملوا جولات في قري كتير ... وغالبا ماكنتش جاية البلد مخصوص علشانكم .... لأنهم كانوا هنا قبل ما توصل انت ومريم .
ليست هناك تعليقات:
إرسال تعليق