140
انصرف تي كاسف البال .
وقلت أنا لمحمد : بالراحة شوية .... ايه يعني لما قال سوري .... ما حنا كلنا بنقول سوري .
وأضافت مريم اللطيفة للتلطيف : هو بسم الله ماشاء الله عاقل أوى .... ومؤدب جدا .
محمد : معلش ... بس كان لازم أحسسه انه غلط لما بيحشر نفسه في كلام الكبار... بس أنا طبعا هأصالحه قبل ماينام .
قلت له : آه صالحه ... لأنك أحرجته زياده عن اللزوم .
ثم أردفت أنا : إحنا عايزين عربية .
قال محمد : شوف العربية اللي تعجبك .
قلت له : لا العربية اللي جاهزة ومتجربة قريب ... أنا عارف إن العربيات دى مابتخرجش من الجراج .
وهنا دخلت سعاد وقد إرتدت جلبابا رماديا من جلابيب التي ترتديها في المنزل .
محمد: يبقي الشيروكى .
قلت له : ماشي .
محمد : طيب أروح أشوف حد يجهزها .
وخرج محمد من الحجرة .
وقالت سعاد : الشيروكى ! يبقي ... فيه حد مسافر !
قلت لها : آه ... إن شاء الله أنا ومريم مسافرين بكرة مع مدحت لإن عندنا محاضرات في إسكندرية .
: ده كلام ! لا .. إحنا مش هانسيب مريم تمشي من هنا .
ليست هناك تعليقات:
إرسال تعليق