123
يبدو أن تى إقتنع بإجابات مدحت وانصرف في طريقة لمبني الفيللا وناديت أنا عليه : تي ... خليهم يبعتوا لنا تلاتة قهوة في الجنينة هنا .
ومشينا نحو المنضدة وجلسنا فى ظل الأشجار الباسقات .
وبمجرد جلوسنا بادرت أنا مدحت : إيه الأخبار .
: حضرت التحقيق مع شهاب .... هو طبعا قال : أنه بيدافع عن دين الله ... يعني جاي يقتلكوا علي أعتبار انكم كفار ...
قاطعته أنا ومحمد علي التوالى : كفار !!!
مدحت : طبعا ... ماهم جماعة تكفيرية .
قلت أنا : يعني يكفروا أي حد كدة من الباب للطاق .
مدحت : لا طبعا ... بس برضه بيتلككوا عشان يكفروا .
محمد : وهم اتلككوا علي إيه ؟
مدحت : لما أنتوا مسحتوا الكلام اللي كانوا كاتبينه علي سور الفيللا عن مدح الرسول صللي الله عليه وسلم .
فقلت أنا له لماذا مسحنا هذا الكلام .
فقال : عموما هم عقليتهم محدودة ... وبيقول كمان إنك تصديت لهم ياشريف في الجامع .
قلت أنا : أنا مش فاكر اني تصديت لهم ... لكن كل اللي قلتهولهم هاتوا سند علي كلامكم .
مدحت : طبعا الكلام ده ماعجبهمش .... واعتبروا انك بتعرقل الجهاد والدعوة .
ليست هناك تعليقات:
إرسال تعليق