125
قلت أنا : لكن ايه اللي هايوصل طليق مريم لأبو العبد ده ؟
مدحت : لازم نلاقي أبو العبد علشان نعرف الإجابة على السؤال ده ؟
سألت أنا : يعني مريم هاتفضل في خطر لحد ما يتقبض علي أبو العبد ؟
مدحت : المشكلة هي إزاي عرفوا مكان مريم ؟
قال محمد : يمكن حد كان مراقب شريف ومريم وهم جايين هنا ؟
مدحت : ما اظنش .
ورن جرس موبايل مدحت وفي نفس الوقت جاءت دادة مسعدة بالقهوة ومعها ثلاثة أكواب من المياه ... وشكرنا دادة مسعدة .. بينما مدحت يتكلم في الموبايل : آه .... طبعا .... طيب .... شكرا ... بس ياريت اليومين الجايين دول ... لو نزل تتخذوا اللازم ... مع السلامة .
أغلق مدحت الموبايل وقال : ده واحد زميلنا من الفيوم .
وشرب مدحت قليلا من الماء ثم أردف : هو بيقول ان أبو العبد سايب طامية بقالوا شهور ... ولما فتشوا بيته مالقيوش أي حاجة مفيدة .
محمد : طيب وهو حتي لو قبضتوا علي أبو العبد ... ماهو ممكن يكون مجرد كومبارس زى شهاب كده .
: طبعا ممكن ... لكن في كل الأحوال القبض عليه مفيد ... يعنى حتي اذا طلع كومبارس زى شهاب هايدلنا علي اللي مشغلة ... ويبقي وصلنا لحلقة تانية من حلقات السلسلة .
ليست هناك تعليقات:
إرسال تعليق