170
قلت أنا حتى أنقل الحديث للموضوع الذى يهمنا : طيب وإيه حل المشكلة دى ؟
قال أمجد : أنا مش شايف حل قريب .
.
قال مدحت : طبعا إذا كان فى دول بتساعدهم .
رد أمجد : هى دول وبس ... ده كمان ... رجال أعمال كبار عندهم جزر ... ممكن بيأووهم فيها .
قلت أنا : أنا قصدى حل المشكلة اللى إحنا فيها .
أمجد : تقصد منذر عباس .
قلت أنا : آه .
أمجد : أكيد فى حلول ... وانشاء الله على بكره بالليل ها أكون رتبت حل و ها قول لكم عليه .
مدحت قال : أصل أنا عامل بكرة حفلة عشاء على شرف أمجد والمدام بتاعته ... وطبعا إنتوا معزومين .
ووقفا كلاهما .. أمجد وهو يبتسم و مدحت وهو يمسك موبايل مريم وبطاريته فى يده اليمنى ويشير به إلى مريم وقال : هانضطر ناخده .
أومأت مريم وقالت : آه طبعا .
واستطرد مدحت : آه ... مفتاح العربية الجيب فين علشان نبعت حد يصلحها .
أعطيته المفتاح .........
بعد إنصراف مدحت وأمجد بشرى ... سألنا عن الفيلم المعروض فى قاعة السينما فقال الجرسون أنه فيلم انجليزى قديم جدا إسمه whisky galore ... فسألته : فيلم عن البحرية برضه .
إبتسم الجرسون وقال : لا يا فندم .... بس فيه مركب غرقانه وأهل البلد بيحاولوا يستولوا علي الويسكى اللى فيه .
ذهبنا على مضض ... ولكن الفيلم كان تحفة حقيقية .... كانت القاعة فى معظم الوقت تضج بالضحك ... كان من أفضل الأفلام النى رأيتها فى حياتى .
كانت حصيلة اليوم طيبة للغاية ... أنقذنا المولى عز وجل من موت محقق .... وقدوم أمجد بشرى ووعده بحل المشكلة و لابد أن خبير مثله متمكن فى مثل هذه المسائل ... وأخيرا هذا الفيلم المبهج الذى غسل عقولنا .... وهدأ أعصابنا .
ليست هناك تعليقات:
إرسال تعليق